ياخاطري لاتضيق الله يرضا عليك
ياخاطري لاتضيق الله يرضا عليك
الناس قامت وطاحت دون رغباتها
ياقلب لا تحترق ان شعلت النار فيك
لا تفرح إعداك حاسدها وشماتها
لو أن ظروفك سواة المسبحه في يديك
ماسمعوا الناس في جوفك تنهاتها
وإن كان باعوك خلان الرخاء يشتريك
اللي يدور رضا عينك ومشهاتها
البارحه يانديم الليلي قمت احتريك
أبيك في سمرة الخلان مع ذاتها
عز الله إني على وضح النقى مهتويك
ومخيرك من وفا الخوه وشيماتها
يارب نفس الشعور اللي يجيني يجيك
نبني حسناتها ونشيل سياتها
ماعندي أسرار من دونك ولا لك شريك
راجعت نفسي قبل لا أعطي قراراتها
دخلت كلية اطوال المشاريف ذيك
وأصبحت خريج قسوتها ومأساتها
البدو تضرب مثايلها على مسمعك
لا ترخص بعينها وتطير في شاتها
وأستغفرك ياعظيم الملك وأتوب إليك
وأغفر لنفسي خطايها وزلاتها