حيرتني معك
حيرتني معك كل ما قلت هانت جد لّي خبر جديد . أقول اليوم تهون ويفوت اليوم وأنا بحيرتي
أزيد ، أعاند الوقت وأصبر قلب محروم .
أقبل عليه وكلي فرح ويواجهني بحزن ماله مثيل . أشوف بعيونه حيرة يخفيها ويجامل برد السلام
همومي أصبحت حمل ثقيل أخفيها بجلسة بين الأصحاب وتلوح بروق حزني وتظّلم دنياي
أحترت بقلبي اللي بطبعه عنيد ويهوى الصعب وينجرح في كل مرة ولايتوب حالي منه
جلد وعظام وأمراض تغزيني وبكل غزوة أهي ربحانة .
يا روحي يكفيني قسوة وجفا وحرمان ، ودمع غزير . المحبة تذل الكرامة ولا أقوى أبين
لك ما في خفوقي من الشوق .
وآخر كلامي رميت قلبي بين أياديك والعب في مشاعره على هواك ورده لي كله
جروح وحرمان أو محبة وحنان . وأنا الولهان اللي على درب الظما يدوّر ينبوع
أبرتوي من عطش سنين كنت بها مغليك وعطشان لشوفك
خاطرة بقلم
ابوسديم